Stelpur rokka! Norðurland bjóða upp á rokkbúðir á Akureyri sumarið 2020 fyrir 10 til 16 ára stelpur (sís og trans), trans stráka, kynsegin og intersex ungmenni í samstarfi við Rósenborg menningarmiðstöð.
Búðirnar eru 4 daga langar og hver dagur er troðfullur af hljóðfærakennslutímum, hljómsveitaæfingum, vinnusmiðjum, hópumræðum, tónlistarheimsókn, skemmtilegum leikjum, föndri og hressingu og í lokin eru haldnir glæsilegir rokktónleikar!
Viðmiðunarþátttökugjald er 27.000 krónur.Engum þátttakanda er vísað frá sökum fjárskorts. Lesa meira um stefnu okkar um valfrjáls þátttökugjöld. Aðgengi er gott í Rósenborg, lyfta er á milli hæða. Hafið samband á info@stelpurrokka.is fyrir nánari aðgengisupplýsingar.
Austurland
NÆSTU BÚÐIR VERÐA ÁRIÐ 2021
Gistirokkbúðir Stelpur Rokka! Austurland verða haldnar í Seyðisfjarðarskóla, fyrir stelpur, trans krakka og intersex á aldrinum 12-16 ára.
Búðirnar samanstanda af skemmtilegri fimm daga dagskrá þar sem þátttakendur læra á hljóðfæri hjá kennara, fara í vinnusmiðjur, leiki og gera þemaverkefni. Síðast en ekki síst semja þátttakendur lag saman í hljómsveit, sem þeir flytja á glæsilegum lokatónleikum fyrir fjölskyldu og vini.
Hádegismatur og kaffisnarl er innifalið, auk þess sem gisting og kvöldmatur verður í boði fyrir þá þátttakendur sem vilja.
Viðmiðunarþátttökugjald í búðunum er 25.000 krónur, og 30.000 krónur fyrir þá sem nýta sér gistingu og kvöldmat.
Frí og niðurgreidd pláss eru í boði. Lesa meira um valfrjáls þátttökugjöld.
Engin hljóðfærakunnátta er nauðsynleg til að skrá þátttöku.
Vestfirðir
Næstu rokkbúðir á Vestfjörðum verða árið 2021
Frá árinu 2018:
12 til 16 ára rokkbúðir verða haldnar í fyrsta sinn á Patreksfirði, í samstarfi við Húsið, menningarmiðstöð. Búðirnar fara fram í gömlu verbúðinni við Eyrargötu, laugardag og sunnudag 12. til 13. maí. Búðirnar verða með stuttu sniði í ár, en á tveimur dögum gefst þátttakendum kostur á að læra á hljóðfæri, fara í vinnusmiðjur, hópeflisleiki og semja stutt tónverk saman í hljómsveit.
Viðmiðunarþátttökugjald 9.500 krónur. Frí og niðurgreidd pláss eru í boði. Lesa meira um valfrjáls þátttökugjöld.
Engin hljóðfærakunnátta er nauðsynleg til að skrá þátttöku.
Skráning er hafin hér og stendur til 4. maí. Einnig er hægt að skrá þátttöku hjá hello@husid-workshop.com eða hjá Julie í síma 6957620.
Gisting er í boði á föstudag og laugardag fyrir þá þátttakendur sem koma lengra að. Hægt er að hafa samband við Julie í síma 6957620 fyrir nánari upplýsingar um gistingu.
Aðgengi er sæmilegt í Húsinu. Dagskrá fer fram á fyrstu hæð en salerni er ekki með gott aðgengi fyrir notendur hjólastóla.
“Tónleikarnir í kvöld voru frábærir, lygilegt að sjá hvað stelpurnar voru búnar á gera á nokkrum dögum. Þið sem standið að þessu eigið heiður skilið fyrir starf ykkar, á eiginlega ekki orð til að lýsa ánægju minni með ykkur.
Gleymi aldrei þessum degi, svo mikil gleði og góðir straumar og innilegustu þakkir til ykkar sem gerðu þetta mögulegt :)
”