Takk fyrir frábært rokkbúðasumar, uppfullt af rokkgleði og orku! Myndbönd og ljósmyndir frá rokkbúðunum í Reykjavík má finna hér

Nú er skráningin fyrir sumarið komið á fullt og hver fer að verða síðust að tryggja sér pláss.

Opnað verður fyrir skráningu í allar rokkbúðir sumarsins á afmælishátíðardaginn næstkomandi laugardag, 22. apríl. 

Við hlökkum til að sjá ykkur sem flest á afmælishátíðinni okkar á Kex Hostel! Fram koma rjóminn af þeim fjölmörgu böndum sem hafa orðið til hjá okkur í rokkbúðunum auk margra annarra frábærra tónlistarkvenna.

Stelpur rokka! bjóða þér í afmælishátíðarpartý laugardaginn 22. apríl kl 14 -20 á Kex Hostel!

Við kynnum spenntar troðfulla dagskrá fyrir alla aldurshópa: 

Stelpur rokka! og Foundation for Positive Change í Póllandi gefa í sameiningu út diskinn Break the Silence! Á disknum eru lög úr gistirokkbúðum gegn ofbeldi sem haldnar voru annars vegar á Íslandi og hins vegar í Póllandi síðastliðið sumar.

Sjálfboðaliðahópur samtakanna Stelpur rokka! sendir þér vinsamleg tilmæli í tilefni af ummælum þínum um stöðu og upplifun tónlistarkvenna af íslensku tónlistarlífi í útvarpsþættinum þínum Harmageddon föstudaginn 3. mars síðastliðinn. Tilmælin eru þessi:

Við viljum sjá þig og hljómsveitina þína á sviðinu á afmælishátíðinni okkar þann 22. apríl! 

Skráðu þig og/eða hljómsveitina þína í rokkrúllettu. Rokkrúllettan er hljómsveitaáskorun, en hver hljómsveit hefur 5 vikur til að æfa 2 til 3 lög til að flytja á Rokkrúllettutónleikum á afmælishátíð Stelpur rokka!, á Kex hosteli laugardaginn 22. apríl. 

Ekki í hljómsveit? Ekkert mál! Á rokkrúllettukvöldinu ætlum við að mynda nýjar hljómsveitir sem munu æfa saman í 5 vikur. 

Við bjóðum í fyrsta skipti upp á einkatíma á hljóðfæri og í söng í febrúar og mars. Við hvetjum áhugasama byrjendur sem lengra komna, til að skrá sig og tryggja pláss. Frí og niðurgreidd pláss í boði og skráning er hafin hér. 

Músíktilraunir eru svo frábært tækifæri fyrir hljómsveitir og tónlistarfólk til að semja efni & spila opinberlega. Í fyrra var metþátttaka kvenna í Músíktilraunum. Í ár viljum við sjá enn fleiri stelpur, konur, trans og kynsegin fólk á sviðinu! Við hvetjum alla til að taka slaginn og sækja um - enda er þetta ótrúlega skemmtileg hátíð!

Við óskum rokkbúðaþátttakendum, foreldrum, samstarfsaðilum og velunnurum kærlega fyrir frábært ár og óskum ykkur gleðilegs nýs árs, uppfullu af gleði, valdeflingu og hávaða! 

Árið 2016 var alveg einstaklega viðburðarríkt og gleðilegt ár hjá Stelpur rokka!, enda var árið 5 ára afmælisár samtakanna og rokkorkan í hámarki. Hér má fletta myndskreyttu ársyfirliti 2016 og lesa nánar um allar rokkbúðirnar, viðburðina, afmælisverkefni, samstarfið og gleðina á afmælisárinu.

Yfirlýsing frá Stelpur rokka!

Sjálfboðaliðasamtökin Stelpur rokka! krefjast þess að fyrirhuguð endursending Útlendingarstofnunar á afganskri fjölskyldu til Þýskalands verði stöðvuð og fjölskyldunni veitt hæli af mannúðarástæðum. 

Nú eru allar ljósmyndir og tónleikaupptökur frá rokkbúðum sumarsins komnar á netið. 27 hljómsveitir rokkuðu stíft í  7 rokkbúðum í sumar - skoðið lokatónleikana & hlustið á þessa eðalmúsík! 

Stelpur Rokka! verða með frábæra Iceland Airwaves Music Festival off venue dagskrá miðvikudaginn 2. nóvember á LOFT Hostel í Bankastræti. Fram koma bönd sem koma að samtökunum á einhvern hátt eða/og styðja málstað okkar. 

Í fyrstu vikunni í nóvember, Airwaves vikunni, ætla Stelpur rokka!, með stuðningi frá Exton hljómtækjaleigu og Kítón, félagi kvenna í tónlist á Íslandi, að bjóða upp á örnámskeið í hljóðtækni.

Námskeiðið fer fram þriðjudaginn 1. nóvember frá kl. 17-22 í húsnæði Exton, Vesturvör 30c í Kópavogi. Það er opið konum, trans fólki og kynsegin einstaklingum á öllum aldri.

Við þökkum fyrir frábæra stemningu og gott stuð á Rokkhátíð æskunnar sem var haldin þann 28. ágúst síðastliðinn á Kex hostel. 

Heimilislegir sunnudagar og Kex hostel stóðu fyrir hátíðinni í samvinnu við Stelpur rokka! og dagskráin var stútfull af skemmtilegum viðburðum, smiðjum og tónleikum fyrir krakka á öllum aldri.