Stelpur Rokka! verða með frábæra Iceland Airwaves off venue dagskrá fimmtudaginn 5. nóvember á LOFT Hostel í Bankastræti.

Stelpur rokka! eiga í fjölbreyttu og skemmtilegu samstarfi við aðrar rokkbúðir víða um heim.

Við vorum svo heppnar að fá að heimsækja rokkbúðirnar í Póllandi sem heita Karioka Girls Rock Camp. Rokkbúðirnar voru haldnar rétt fyrir utan bæinn Bielsko- Biala í suðurhluta Póllands dagana 24. til 29. ágúst.

Við verðum með 4 frábærar rokksmiðjur í september og október fyrir 12 til 16 ára stelpur og transkrakka. Í boði verða rappsmiðja, tónlistarmyndbandasmiðja, plötusnúðasmiðja og raftónlistarsmiðja.

Stelpur rokka! bjóða 13 til 16 ára stelpum í ókeypis lagasmíðavinnusmiðju í Hörpu þann 21. júní næstkomandi í samstarfi við KÍTÓN. 

Við hvetjum 12 til 16 ára stelpur í Breiðholtinu að koma í ókeypis hljómsveitasmiðju laugardaginn 13. júní. 

Nú verða Stelpur rokka! í fyrsta skipti á Suðurnesjum í sumar! Við verðum með fjögurra daga langar rokkbúðir fyrir 12 til 16 ára stelpur á Ásbrú (gamla varnarsvæðinu) dagana 9. til 12. júlí. 

Við erum mjög spenntar að fara af stað með nýtt og skemmtilegt verkefni fyrir 16 til 18 ára stelpur sem hafa komið tvisvar eða oftar í rokkbúðirnar. 

Stelpur rokka! sendu átta fulltrúa á mjög vel heppnaða ráðstefnu Rokkbúðabandalagsins sem haldin var í Philadelphiu dagana 21. til 23. mars síðastliðinn. Bandaríska sendiráðið á Íslandi styrkti ráðstefnuferðina og þökkum við kærlega fyrir stuðninginn. 

Nú eru rokkhjólin farin að snúast á fullu og því ekki seinna vænna að tilkynna að við munum nú í fyrsta skipti bjóða upp á rokkbúðir í sumar fyrir 10 til 12 ára stelpur.

Breiðholtsbúðirnar í febrúar voru frábærlega vel heppnaðar og það var rífandi stemning á lokatónleikunum okkar. Við viljum þakka öllum frábæru stelpunum sem rokkuðu með okkur fyrir stuðið og gleðina. Við þökkum líka Erlu Stefánsdóttur hjá Reykjavíkurborg fyrir að gera heimildaþátt um Breiðholtsrokkið.

Við höfum bætt mikið af upplýsingum við nýju síðuna okkar. Nú eru t.d. myndböndin okkar og ljósmyndir ekki einungis sjáanleg á tumblr síðunni okkar heldur líka undir flipanum myndbönd og ljósmyndir. Við höfum einnig bætt við upplýsingum um hvað við gerum og sett upp nýja síðu með algengum spurningum um starfið, svo fátt eitt sé nefnt. Síðast en ekki síst hvetjum við ykkur til að kíkja á hvernig hægt er að styðja starfið.