Nú eru allar ljósmyndir og tónleikaupptökur frá rokkbúðum sumarsins komnar á netið. 27 hljómsveitir rokkuðu stíft í  7 rokkbúðum í sumar - skoðið lokatónleikana & hlustið á þessa eðalmúsík! 

Stelpur Rokka! verða með frábæra Iceland Airwaves Music Festival off venue dagskrá miðvikudaginn 2. nóvember á LOFT Hostel í Bankastræti. Fram koma bönd sem koma að samtökunum á einhvern hátt eða/og styðja málstað okkar. 

Í fyrstu vikunni í nóvember, Airwaves vikunni, ætla Stelpur rokka!, með stuðningi frá Exton hljómtækjaleigu og Kítón, félagi kvenna í tónlist á Íslandi, að bjóða upp á örnámskeið í hljóðtækni.

Námskeiðið fer fram þriðjudaginn 1. nóvember frá kl. 17-22 í húsnæði Exton, Vesturvör 30c í Kópavogi. Það er opið konum, trans fólki og kynsegin einstaklingum á öllum aldri.

Við þökkum fyrir frábæra stemningu og gott stuð á Rokkhátíð æskunnar sem var haldin þann 28. ágúst síðastliðinn á Kex hostel. 

Heimilislegir sunnudagar og Kex hostel stóðu fyrir hátíðinni í samvinnu við Stelpur rokka! og dagskráin var stútfull af skemmtilegum viðburðum, smiðjum og tónleikum fyrir krakka á öllum aldri. 

Við þökkum kærlega fyrir allan stuðninginn við fjársöfnunina okkar til styrktar samstarfskonum okkar í Póllandi. Yfir 1700 evrur söfnuðust í gegnum söfnunarsíðuna Karolina Fund og við sölu rokkbúðavarnings á lokatónleikum allra rokkbúða okkar í sumar. 

Þriðja stóra samstarfsverkefnið okkar í ár er fjársöfnun fyrir systrabúðir okkar í Póllandi. Þær fara í næstu viku af stað með rokkbúðir gegn ofbeldi og þurfa stuðning til að geta haldið rokkbúðirnar. Það eru erfiðir tímar fyrir femínískt baráttufólk um þessar mundir. Stjórnvöld eru mjög andsnúin femínískri baráttu og boða mikið afturhald í jafnréttismálum. 

Í dag leggja hljóðfærin sem söfnuðust í hljóðfærasöfnuninni okkar fyrir rokkbúðirnar í Tógó af stað á vit ævintýranna. 

Það eru enn laus pláss í nýju gistirokkbúðirnar okkar á Suðurnesjum fyrir 16 til 20 ára ungmenni. 

Nú er skráningin hafin í allar rokkbúðir sumarsins. Takmörkuð pláss eru í boði og við hvetjum þátttakendur til að tryggja sér pláss tímanlega.

Nú má aldeilis fara að plana ævintýraferð norður því kvennarokkið okkar verður haldið á Akureyri dagana 3. til 5. júní næstkomandi. Skráning opnar 10. maí og aðeins 20 pláss í boði svo það er mikilvægt að skrá sig fljótt til að tryggja pláss.

Við hvetjum alla sem eiga hljóðfæri í geymslunni sem eru ekki í mikillri notkun að koma þeim áfram í hendurnar á rokkþyrstum stelpum í Tógó! Tekið verður á móti hljóðfærunum í Tónastöðinni, Skipholti 50d frá 15. apríl til 7. maí. 

Stelpur rokka! eru hluti af alþjóðlegri hreyfingu rokkbúða út um allan heim sem heitir Rokkbúðabandalagið, Girls Rock Camp Alliance. Í lok mars á hverju ári hittast rokkbúðaskipuleggjendur frá yfir 50 rokkbúðum yfir langa helgi og skiptast á hugmyndum um starfið, deila reynslusögum og fræða hvora aðra um þau málefni sem brenna á fólki á hverjum stað.

 Við erum gríðarlega þakklátar fyrir þann frábæra stuðning sem við fengum og þökkum kærlega öllum þeim sem kusu okkur!

Stelpur rokka! fagna 5 ára starfsafmælinu sínu í ár! Rokkorkan er í hámarki og við ætlum að fagna afmælinu okkar með fjórum stórum samstarfsverkefnum við rokkbúðir í öðrum löndum

Við hvetjum allar stelpur og transkrakka og öll ungmenni á aldrinum 13 til 25 ára til að skrá sig í Músíktilraunir.